இரவு கடமையில் ஈடுபட்டால் புற்றுநோய் பாதிப்பு அதிகரிப்பு- ஆய்வில் அதிர்ச்சி

வெள்ளி பெப்ரவரி 01, 2019

இரவு நேரத்தில் பணி செய்பவர்கள் பலரும் புற்றுநோய் மற்றும் இதய நோய் தொடர்பான பாதிப்புகளுக்கு ஆளாவதாக சமீபத்தில் நடத்தப்பட்ட ஆய்வில் தெரியவந்துள்ளது அதிர்ச்சியை ஏற்படுத்தியுள்ளது.

இரவு நேரம் வேலை செய்வதால் டிஎன்ஏ எனும் கரு அமிலம் சிதைகிறது. இதனால் கேன்சர் மற்றும் இதய சம்பந்தமான நோய்கள் வர வாய்ப்புள்ளது என ஓர் ஆய்வு தெரிவிக்கிறது. Journal Anaesthesia எனும் ஆங்கில நாளேடு வெளியிட்டுள்ள ஆய்வரிக்கையில் இந்தத் தகவல் பதிவு செய்யப்பட்டுள்ளது.

பகல் மற்றும் இரவு நேரம் பணி செய்யும் 49 மருத்துவர்களின் ரத்தத்தை பரிசோதனை செய்ததில், தூக்கத்தை இழந்து இரவு நேரம் பணி செய்பவர்களின் டிஎன்ஏ சிதைவது அறியப்பட்டுள்ளது. நாளுக்கு நாள் டிஎன்ஏ சிதைவு அதிகமாகும் போது, கேன்சர், நரம்பு சீர்கேடு மற்றும் இதய சம்பந்தமான நோய்கள் வர அதிக வாய்ப்புள்ளது என தெரிவித்துள்ளனர்.