ஐ.பி.சியை தடை செய்ய தமிழர் ஒருங்கிணைப்புக் குழு முடிவு – கசிந்தது உள்ளக வரைபு!

May 17, 2017

தமிழீழ தேச சுதந்திர இயக்கமாகிய தமிழீழ விடுதலைப் புலிகளுக்குக் களங்கம் விளைவிக்கும் ஐ.பி.சி நிறுவனத்தைத் தமது பொது நிகழ்வுகளில் அனுமதிக்காது தடை செய்வதற்குத் தமிழர் ஒருங்கிணைப்புக் குழுவின் ஐரோப்பிய கிளை ஒன்று முடிவு செய்திருக்கின்றது.

கடந்த 11.05.2017 வியாழக்கிழமை வெளியாகிய ஐ.பி.சி பத்திரிகையில் அதன் பணிப்பாளரான நிராஜ் டேவிட் என்பவர் எழுதிய கட்டுரையில், போதைப் பொருள் கடத்தல், கடனட்டை மோசடி, கடவுச்சீட்டு மோசடி ஆகியவற்றில் தமிழீழ விடுதலைப் புலிகளின் செயற்பாட்டாளர்கள் ஈடுபடுவதாக உண்மைக்குப் புறம்பான குற்றச்சாட்டுக்கள் முன்வைக்கப்பட்டிருந்தன.

அத்தோடு நியூயோர்க் இரட்டைக் கோபுரங்கள் மீது அல்கைடா பயங்கரவாதிகள் நிகழ்த்திய தாக்குதலுடன் தமிழீழ விடுதலைப் புலிகள் தொடர்புபட்டிருந்தமை போன்ற தொனியிலும் அக்கட்டுரையில் கருத்துக்கள் முன்வைக்கப்பட்டிருந்தன.

இதனையடுத்து கடந்த வார இறுதி நாட்களில் ஐரோப்பிய நாடொன்றில் அவசரமாகக் கூடிய தமிழர் ஒருங்கிணைப்புக் குழுவின் கிளை நிர்வாகிகள், ஐ.பி.சி நிறுவனத்தைத் தமது பொது நிகழ்வுகள் அனைத்தில் இருந்தும் தடை செய்வதற்கான தீர்மானத்தை எடுத்துள்ளனர்.

இதனைத் தொடர்ந்து கடந்த 15.05.2017 திங்கட்கிழமை அன்று குறிப்பிட்ட தமிழர் ஒருங்கிணைப்புக் குழுவின் கிளை நிர்வாகிகளால் தயாரிக்கப்பட்ட அறிக்கையின் வரைபு சங்கதி-24 இணையத்திற்குக் கசிந்துள்ளது.

தமிழர் ஒருங்கிணைப்புக் குழுவின் கிளையொன்று எடுத்துள்ள இந்த முடிவைத் தழுவி ஐ.பி.சியைத் தமது பொது நிகழ்வுகளில் ஏனைய தமிழர் ஒருங்கிணைப்புக் குழுக் கிளைகளும் தடைசெய்யும் என்றும், இது ஐரோப்பிய நாடுகளில் ஐ.பி.சியின் முகத்திரையைக் கிழிப்பதற்கு வழிகோலும் என்றும், தமிழர் ஒருங்கிணைப்புக் குழுவின் செயற்பாட்டாளர்களுக்கு நெருக்கமான வட்டாரங்கள் தெரிவித்துள்ளன.

 

 

செய்திகள்
வியாழன் May 24, 2018

பிரான்சில் மேஜர் காந்தரூபன் நினைவுசுமந்த உதைபந்தாட்டம் மற்றும் துடுப்பெடுத்தாட்டப் 

புதன் May 23, 2018

யேர்மன் அரசாங்கத்தின் வரலாற்றுப் பொறுப்பு என கூட்டாக வலியுறுத்தப்பட்டது. 

செவ்வாய் May 22, 2018

முள்ளிவாய்க்கால் முற்றம்" இதழ்  7 - சிறுவர்களின் வெளியீடு - தமிழ் பெண்கள் பெண்கள் யேர்மனி

செவ்வாய் May 22, 2018

20.5.2018 ஞாயிற்றுக்கிழமை யேர்மனி நொய்ஸ் நகரத்தில் மாவீரர் வெற்றிக்கிண்ண உதைபந்தாட்டப் போட்டிகள் மிகச்சிறப

செவ்வாய் May 22, 2018

தமிழர் ஒருங்கிணைப்புக்குழு பிரான்சு, தமிழர் விளையாட்டுத் துறையின் அனுசரணையுடன் பரிசின் புறநகர்ப் பகுதியில் ஒன்றான வில்நெவ் சென்ஜோர்ஜ் தமிழ்ச் சங்கம் நடாத்திய இல்ல மெய்வல்லுநர்ப் போட்டி 2018 கடந்த ச