குணசீலன் ஆசிரியருக்கு உயர் விருது!

April 11, 2017

கனடாவில் நடந்த இகுருவியின்  மாபெரும் விருது விழாவில் இலங்கையில் புகழ்பூத்தஆசிரியர் குணசீலன் சின்னத்தம்பி அவர்களுக்கு சமூதாய சிற்பி எனும் உயர் விருது வழங்கி கௌரவிக்கப்பட்டது. சுமார் ஆயிரத்து இருநூறுக்கும் அதிகமாக தமிழ் வர்த்தகர்கள் , வைத்தியர்கள் , அரசியல் தலைவர்கள்; அடங்கிய மாபெரும் அரங்கில் இந்நிகழ்வு நடைபெற்றது .

இது தொடர்பாக அவர் தெரிவிக்கும் போது , இது தனக்கு வழங்கப்பட்டதாக தான் கருதவில்லை , தாயகத்தில் உள்ள ஆசிரியர்களுக்கு வழங்கப்பட்ட அதி உயர் விருதாக கருதுவதாக தெரிவித்தார்.

ஆசிரியர்கள் தான் ஒரு சமூகத்தை உருவாக்குகின்ற பாரிய பொறுப்பை சுமந்துக் கொண்டிருக்கிறார்கள். தமிழ் சமூகத்தின் இன்றைய வளர்ச்சி என்பது அப்பணிப்பான ஆசிரியர் சமூகத்தால் ஏற்பட்டது என்பதை மறந்து விடவோ, மறுத்து விடவோ முடியாது.

மூன்று சகாப்தமாக தொடர்ந்த யுத்தமும், அது ஏற்படுத்திய, ஏற்படுத்தி நிற்கும் உளவியல், பொருளியல் தாக்கங்களும் எங்கள் ஆசிரியர் சமூகத்தையும் விட்டு வைக்கவில்லை.

எங்கள் எதிர்கால சமூகம் உயிர்ப்புடனும், துடிப்புடனும் எழுந்து நிற்பதற்கும், சிகரங்கள் தொடுவதற்கும் ஆசிரியர் சமூகத்தின் பணி இன்றியமையாதது.

யாழ்குடா நாட்டில் பல்லாயிரக்கணக்கான மாணவர்களுக்கு கலங்கரை விளக்கமாக திகழ்ந்த ஆசிரிய பெருந்தகை சின்னத்தம்பி குணசீலன்,

 தனி மனிதனாக எமது சமூகத்திற்கு ஆற்றிய, ஆற்றிவரும் பணிகள் மிக மகத்தானது. திரு. சின்னத்தம்பி அவர்கள் தமிழீழத்தின் அனைத்துப் பகுதிகளிலும் புகழ்பூத்த தாவரவியல் ஆசானாக விளங்குவதுடன் ஆசிரியர் சேவை தரம் 1 ற்குப் பதவி உயர்த்தப்பட்டு தற்பொழுது கோப்பாய் ஆசிரியர் பயிற்சிக் கலாசாலையில் உயிரியல் பாடத்திற்கான சிரேஸ்ட விரிவுரையாளராகக் கடமையாற்றி இதுவரை  சுமார் 40,000 க்கும் அதிகமான மருத்துவ கலாநிதிகள், பல் வைத்திய கலாநிதிகள், விலங்கு மருத்துவ கலாநிதிகள், விவசாய   சிறப்புப் பட்டதாரிகள், விஞ்ஞானப் பட்டதாரிகள் எனப் பல கல்வியாளர்களை உருவாக்கிய பெருமைக்குரியவராக விளங்கும் திரு. சின்னத்தம்பி குணசீலன் அவர்களுக்கு சமுதாய சிற்பி  விருதை வழங்கி கெளரவித்தது இகுருவி.

செய்திகள்
செவ்வாய் செப்டம்பர் 19, 2017

பிரான்சில் கேணல் பரிதி, லெப்.கேணல் நாதன், கப்டன் கஜன் ஆகியோர் நினைவு சுமந்த உதைபந்தாட்டப் போட்டி! 

திங்கள் செப்டம்பர் 18, 2017

வவுனியா ஜோசப் முகாமில் இளைஞர், யுவதிகளின் அவலக் குரல்களுக்கு மத்தியில் நடந்து சென்றேன்...

செவ்வாய் செப்டம்பர் 12, 2017

தமிழினப்படுகொலைக்கு நீதிவேண்டி 6ஆம் திகதி ஐரோப்பிய ஒன்றியத்திலிருந்து ஆரம்பிக்கப்பட்ட 

செவ்வாய் செப்டம்பர் 12, 2017

தமிழர் ஒருங்கிணைப்புக்குழு - பிரான்சு தமிழர் விளையாட்டுத்துறை 3 ஆவது தடவையாக நடாத்திய லெப்கேணல் 

செவ்வாய் செப்டம்பர் 12, 2017

தாயகவிடுதலைக்காக கண்ணுறக்கமற்று தன்னலமற்று தொண்டாற்றிய புங்குடுதீவு மடத்துவெளி 7ஆம் வட்டாரத்தைப் பிறப்பிடமாக கொண்ட பரராஜசிங்கம் கனகலிங்கம் அவர்களை 03.09.2017 அன்று நாம் இழந்துநிற்கின்றோம்.