கூகுளில் முட்டாள் என்று தேடினால் அமெரிக்க அதிபா் டொனால்ட் டிரம்பின் படம்

யூலை 21, 2018

இணையதள தேடு பொருளான கூகுளில் முட்டாள் என்று தேடினால் அமெரிக்க அதிபா் டொனால்ட் டிரம்பின் படம் வருவதால் புதிய சா்ச்சை ஏற்பட்டுள்ளது.

உலகின் பிரபல தேடுதளமாக கூகுள் விளங்குகிறது. இதன் தேடல் மூலம் கிடைக்கும் பதில்களுக்கு பெரிய அளவில் நம்பகத்தன்மை உள்ளது. அமெரிக்க அதிபராக டொனால்ட் டிரம்ப் பதவி ஏற்றதில் இருந்து பல முரண்பாடான முடிவுகளை தோ்வு செய்து சா்ச்சை நாயகனாக வலம் வருகிறாா்.
இந்நிலையில் கூகுளில் முட்டாள் என்று தேடினால் அமெரிக்க அதிபா் டிரம்பின் படம் வருவதால் புதிய சா்ச்சை ஏற்பட்டுள்ளது. அமெரிக்க அதிபரின் முரண்பாடான செயல்களால் எரிச்சலடைந்த இணையதள செயல்பாட்டாளா்கள் இந்த குழப்பத்தை ஏற்படுத்தி இருக்கலாம் என்று கருதப்படுகிறது.

முன்னதாக ரெட்டிட் என்ற இணையதளத்தில் இவர்கள் ஒரு குழுவாக இணைந்து முட்டாள் என்ற வாா்த்தையை அமெரிக்க அதிபா் டிரம்பின் படத்துடன் இணைக்கும் வேலையை தொடா் ஓட்டெடுப்பு மூலம் உருவாக்கினாா்கள். இதனை ஒரு இணைய போராட்டம் என்ற அளவில் அவா்கள் தீவிரத்துடன் நடத்தினாா்கள்.

இதன் விளைவாக கூகுள் உபயோகப்படுத்தும் அல்காரிதம் இந்த தகவல்களை சேகரித்து வைத்துக் கொண்டு யாா் அந்த வாா்த்தையை இட்டு தேடினாலும் டிரம்பின் படத்தை காட்டுகிறது. தற்போது இது பெரும் சா்ச்சையை ஏற்படுத்தி உள்ளது.

இதே போன்று கடந்த மே மாதம் கூகுளின் தேடல் முடிவுகளில் பப்பு என்ற இந்தி வாா்த்தைக்கு காங்கிரஸ் தலைவா் ராகுலின் படமும்  பேகு என்ற இந்தி வாா்த்தைக்கு பிரதமா் மோடியின் படமும் வந்தது. இதே போன்று கடந்த சில மாதங்களுக்கு முன்பு இந்தியாவின் முதல் பிரதமா் என்ற கேள்விக்கும் மோடியின் படம் வந்தது இதனைத் தொடா்ந்து இந்த தவறு திருத்திக் கொள்ளப்பட்டது.

செய்திகள்