கோலாகலமாக ஆரம்பிக்கப்பட்ட ஈழம் சாவடி-2017

யூலை 16, 2017

ஒன்ராரியோவின் பிரம்ரன் நகரில், பல்கலாச்சாரத்தைப் பிரதிபலிக்கும் பல நாடுகளையும் இனங்களையும் உள்ளடக்கிய பிரமாண்டமான கரபிராம்- ஈழம் சாவடி கொண்டாட்டம் நேற்று வெள்ளிக்கிழமை ஆடி மாதம் 14 ம் திகதி கனடியத் தமிழர்களைப் பிரதிநிதித்துவப்படுத்தி பிரம்ரன் தமிழ் ஒன்றியத்தின் பிரதான ஏற்பாட்டில்  , 5வது தொடர் வருடமாக பெருமெடுப்பில் கோலாகலமாக  ஆரம்பிக்கப்பட்டது.

கரபிராமில் 14 சாவடிகள், மொத்தம் 53 நாடுகளைப் பிரதிநிதித்துவப்படுத்தியபோதிலு ம், இவற்றில் ஒன்றான ஈழம் சாவடியை பிரம்ரன் மேயர் Linda Jeffrey, கரபிராம் தலைவர் Anjela Johnson மற்றும் பல  மத்திய, மாநில மற்றும் நகரப் பிரதிநிதிகள் பலரும் உத்தியோகபூர்வமாக ஆரம்பித்து வைத்தது ஈழத்தமிழர்களுக்கு தனிப்பெருமையைத் தேடிதந்தது.

5வது வருடமாக வெற்றியுடன்ஆரம்பிக்கப்பட்ட ஈழம் சாவடி இன்று சனிக்கிழமை 15ஆம் திகதி மதியம் 12 மணி முதல் நள்ளிரவு 12 மணிவரையும், நாளை ஞாயிறுக்கிழமை 16ஆம் திகதி மதியம் 12 மணிமுதல் மாலை 7 மணிவரையும் மக்கள் வருகைக்காக திறந்திருக்கும் என்று அறியத்தரப்பட்டுள்ளது.

பல சுவையான உணவுச்சாவடிகள், மலிவு விலை வர்த்தகச் சாவடிகள், தமிழர் பாரம்பரிய கண்காட்சி, தமிழர் பண்பாட்டு கலைநிகழ்வுகள், என களைகட்டிக்கொண்டிருக்கும் ஈழம் சாவடி ஒவ்வொரு நாளும் அனைத்து இன மக்களுக்கும் பெருவிருந்தாக இவ்வாண்டும் பிரம்ரனில் Sandalwood parkway/Dixie Road சந்திப்புக்கு அருகாமையில் 1495 Sandalwood Parkway இல் உள்ள Brampton Soccer Centre இல் பிரமாண்ட அரங்கில் நடைபெற்றுக்கொண்டிக்கின்றது.

அனைவரையும் கோடையில் ஒரு குதூகலம் காண ஈழம் சாவடிக்கு வருமாறு பிரம்ரன் தமிழ் ஒன்றியத்தினர் அன்புடன் அழைப்புவிடுகின்றார்கள்.

இணைப்பு: 
செய்திகள்
ஞாயிறு January 07, 2018

ஜனவரி மாதம் 7ம் திகதி ஞாயிற்றுக்கிழமை), ஒஸ்ரேலியா மெல்பேர்னில் East Burwood Reserve மைதானத்தில் கேணல் கிட்டு ஞாபகார்த்த ”தமிழர் விளையாட்டு விழா 2018” நடைபெறவுள்ளது.

வியாழன் January 04, 2018

இலங்கை அரசாங்கத்தின் தமிழ் மக்கள் மீதான இனவழிப்புக்குத் துணைபோகின்ற ஊடகமாகவே  ரூபவாகினி செயற்பட்டது