ஜெரமி கோர்பினை பிரித்தானியப் பிரதமராக்குவோம் - தமிழர்களுக்கு சென் கந்தையா அழைப்பு!

June 06, 2017

தமிழீழ மக்களின் தன்னாட்சி உரிமைக்காகவும், தமிழின அழிப்பிற்கு நீதிவேண்டியும் கடந்த மூன்று தசாப்தங்களுக்கு மேலாகக் குரல் கொடுத்து வரும் தொழிற்கட்சித் தலைவர் ஜெரமி கோர்பின் அவர்களைப் பிரித்தானியப் பிரதமராக்குவதற்கு தமது வாக்குப் பலத்தைப் பிரித்தானியாவாழ் தமிழீழ மக்கள் பயன்படுத்த வேண்டும் என்று தொழிற்கட்சிக்கு ஆதரவான தமிழர்கள் அமைப்பின் தலைவர் சென் கந்தையா அவர்கள் அறைகூவல் விடுத்துள்ளார்.

பிரித்தானியாவின் அரசியல் வரலாற்றில் பெரும் திருப்புமுனையாக அமையக்கூடும் என்று எதிர்பார்க்கப்படும் நாடாளுமன்றப் பொதுத்தேர்தல் வரும் 08.06.2017 வியாழக்கிழமையன்று நடைபெறுகின்றது.

கடந்த மூன்று தசாப்தங்களுக்கு மேலாகத் தமிழ் மக்களுக்காகக் குரலெழுப்பி வரும் ஜெரமி கோர்பின் அவர்கள் இம்முறை நடைபெறும் தேர்தலில் தொழிற்கட்சியின் பிரதமர் வேட்பாளராகக் களமிறங்குகின்றார்.

தன்னாட்சியுரிமையின் அடிப்படையில் தமிழீழ மக்களின் அரசியல் தலைவிதியைத் தீர்மானிப்பதற்கான பொது வாக்கெடுப்பை நடத்துவதற்கு ஆதரவான நிலைப்பாட்டை ஜெரமி கோர்பின் அவர்களும், அவரது தலைமையிலான தொழிற்கட்சியின் மூத்த தலைவர்களும் எடுத்திருப்பதோடு, தாம் ஆட்சிக்கு வரும் பட்சத்தில் தமிழின அழிப்பிற்குக் காரணமாக இருந்த சிறீலங்காவின் முந்நாள் மற்றும் இந்நாள் ஆட்சியாளர்களை பொறுப்புக்கூற வைப்பதற்கான இராசரீக நடவடிக்கைகளை முன்னெடுப்பதற்கும் உறுதியளித்துள்ளனர்.

இந்நிலையில் இது குறித்து பிரித்தானியாவாழ் தமிழீழ மக்களுக்கான செய்திக் குறிப்பொன்றை விடுத்திருக்கும் தொழிற்கட்சிக்கு ஆதரவான தமிழர்கள் அமைப்பின் தலைவர் சென் கந்தையா, வியாழக்கிழமை நடைபெறும் தேர்தலில் தவறாது வாக்களித்து தொழிற்கட்சியின் அனைத்து வேட்பாளர்களையும் வெற்றியீட்ட வைப்பதும், அதன் மூலம் தொழிற்கட்சித் தலைவர் ஜெரமி கோர்பின் அவர்களைப் பிரித்தானியாவின் பிரதமர் பதவியில் அமர்த்துவதும் பிரித்தானியாவாழ் தமிழீழ மக்கள் அனைவரினதும் வரலாற்றுக் கடமை என்று குறிப்பிட்டுள்ளார்.

இதுவே தமிழீழ மக்களுக்கு ஆதரவான வெளியுறவுக் கொள்கையைப் பிரித்தானியா எடுப்பதற்கு ஏதுவான அரசியல் புறச்சூழலுக்கு வழிகோலும் என்றும் சென் கந்தையா அவர்கள் சுட்டிக் காட்டியுள்ளார்.

 

செய்திகள்
வெள்ளி May 18, 2018

பிரான்சில் பாரிசுக்கு அண்மையில் உள்ள நகரான ஆல்போர்வில் பகுதியில் கடந்த (15.05.2018) செவ்வாய்க்கிழமை முதன்முதலாக கவனயீர்ப்பு நிகழ்வு ஒன்று இடம்பெற்றிருந்தது.

வெள்ளி May 18, 2018

17.05.2018 அன்று ஐரோப்பிய பாராளுமன்றத்திற்குள் "இலங்கையில் இடம்பெறும் தமிழினவழிப்பும் தமிழர்களின் தேசிய வேணவாவும்" என்ற மாநாடு தமிழர் இயக்கம் மற்றும், தமிழர் ஒன்றியம் பெல்யியம் அமைப்புக்களால் ஏற்பா

வெள்ளி May 18, 2018

உலகத்தமிழர் மனங்களை அழுத்தி நிற்கும் நீங்காத் துயர் நிறைந்த முள்ளிவாய்க்கால் நினைவெழுச்சி...

வெள்ளி May 18, 2018

முள்ளிவாய்க்கால் தமிழனப் படுகொலையின் 9ம் ஆண்டு நினைவுநாள் 18.05.2018 வெள்ளிக்கிழமை  ஸ்ராஸ்பூர்க் ஐரோப்பிய ஆலோசனை சபை முன்றலில் பி.ப 3.00 மணி தொடக்கம் மாலை 5மணி வரை நடைபெற்றது.
 

வெள்ளி May 18, 2018

தமிழ் மக்களுக்கு நீதி கிட்டும் வரை ஓயப் போவதில்லை என சூளுரைத்துள்ளார்.

வெள்ளி May 18, 2018

மே 18, உலக வரலாற்றில் தமிழ் இனத்தின் இரத்தக் கறை படிந்த நாள், சிங்கள பேரினவாதிகள் ஒன்று சேர்ந்து தமிழ் மக்களை கொத்து கொத்தாக கொன்று குவித்த இறுதிநாளான மே 18 இன்றாகும்.