தமிழீழ தேசியக் கொடியைப் பிடுங்கி எறிந்த BTF!

May 18, 2017

இலண்டனின் ஒதுக்குப்புறத்தில் உள்ள ஹைட் (Hyde) பூங்காவில் தமிழர் ஒருங்கிணைப்புக் குழுவிற்குப் போட்டியாகப் பிரித்தானிய தமிழர் பேரவை (BTF) ஏற்பாடு செய்திருந்த முள்ளிவாய்க்கால் போட்டி நிகழ்வின் மேடை முன்பாகத் தமிழின உணர்வாளர் ஒருவரால் நாட்டப்பட்ட தமிழீழ தேசியக் கொடி, பிரித்தானிய தமிழர் பேரவையினரால் பிடுங்கி எறியப்பட்டுள்ளது.

தமிழீழ தேசியக் கொடிக்குப் பின்னால் தமிழர்கள் அணிதிரள்வதில்லை என்ற பிரம்மையைத் தோற்றுவிக்கும் நோக்கத்துடன் தமிழீழத் தேசியக் கொடியாகிய பாயும் புலிக்கொடியைத் தமது நிகழ்வுகளில் ஏற்ற மறுத்து வரும் பிரித்தானிய தமிழர் பேரவை, இன்று மாலை ஹைட் பூங்காவில் போட்டி முள்ளிவாய்க்கால் நிகழ்வை ஏற்பாடு செய்திருந்தது.

இந்நிலையில் அங்கு சென்ற தமிழின உணர்வாளர் ஒருவர், துணிச்சலுடன் பிரித்தானிய தமிழர் பேரவையின் போட்டி முள்ளிவாய்க்கால் நிகழ்வு மேடை முன்பாக தமிழீழத் தேசியக் கொடியை நடுகை செய்திருந்தார்.

(தமிழீழத் தேசியக் கொடியைத் துணிச்சலுடன் நடுகை செய்யும் மானத்தமிழன்)

இதனையடுத்து அங்கு பாதுகாப்பாளர்களின் மேலங்கியையும், தலையை மூடும் முக்காட்டையும் அணிந்தவாறு புகுந்த பிரித்தானிய தமிழர் பேரவையைச் சேர்ந்த குண்டர்கள், தமிழீழ தேசியக் கொடியைப் பிடுங்கி எறிந்து அதனை அவமதித்துள்ளார்.

இதன்பொழுது பிரித்தானியத் தமிழர் பேரவையைச் சேர்ந்த குண்டர் ஒருவரால் தமிழீழ தேசியக் கொடி பிடுங்கப்படும் காட்சி அங்கு நின்ற தமிழின உணர்வாளர்கள் சிலரால் பதிவு செய்யப்பட்டுள்ளது.

(தமிழீழ தேசியக் கொடியைப் பிடுங்கும் BTF குண்டர்)

பிரித்தானிய தமிழர் பேரவையின் இவ் அடாவடித்தனம் பிரித்தானியாவாழ் தமிழீழ மக்களைப் பெரும் கொந்தளிப்பிற்கு ஆளாக்கியிருக்கின்றது.

 

செய்திகள்
வெள்ளி நவம்பர் 17, 2017

தமிழீழ நினைவுகளை தாங்கிய சிறப்பு வெளியீடுகள்  வழமைபோன்று இவ் ஆண்டும் மாவீரர் நாளன்று  வெளிவருகின்றன.

வெள்ளி நவம்பர் 17, 2017

மாவீரர் மாதமான கார்த்திகை மாதத்தை முன்னிட்டு, மாவீரர்  வாரத் தொடக்க நாளான  கார்த்திகை 20.11.17 முதல் 27. 11.17 வரை இந்து ஆலயங்களிலும்.  தேவாலயங்களிலும்.

வியாழன் நவம்பர் 16, 2017

குறித்த நினைவுத் தூபி மாவீரர்களின் தியாகங்களையும் தமிழீழ விடுதலைப் போராட்ட வரலாறுகளையும் வேண்டுமென்றே கொச்சைப்படுத்தியுள்ளது...

வியாழன் நவம்பர் 16, 2017

நெருக்கடியான காலகட்டங்களில் உண்மைகளை வெளிக்கொண்டுவர துணிச்சலோடு செயற்பட்ட ஓர் சிறந்த ஊடகப் போராளி...

புதன் நவம்பர் 15, 2017
தமிழின அழிப்பை எதிர்கொள்ளலும், நினைவுகூரலும் என்ற தொனிப்பொருளுடன் கடந்த 04.11.2017 சனிக்கிழமை பிரித்தானியத் தலைநகர் இலண்டனில் சர்வதேச தமிழ் செய்தியாளர் ஒன்றியத்தால் அரசறிவியல் மாநாடு வெகு சிறப்பு
செவ்வாய் நவம்பர் 14, 2017

பிரான்சு தமிழர் ஒருங்கிணைப்புக்குழு , தமிழர் கலை பண்பாட்டுக்கழகம் வருடாந்தம் நடாத்தும் மாவீரர் நினைவு