பிரித்தானிய நாடாளுமன்றில் முள்ளிவாய்க்கால் தமிழின அழிப்பு நினைவேந்தல் - தொழிற்கட்சிக்கு ஆதரவான தமிழர்கள் அமைப்பு ஏற்பாடு!

May 13, 2018

இருபத்தோராம் நூற்றாண்டின் மிகப்பெரும் இனவழிப்பாகிய முள்ளிவாய்க்கால் தமிழின அழிப்பின் நினைவேந்தல் நிகழ்வு பிரித்தானிய நாடாளுமன்ற வளாகத்தில் இடம்பெறுவதற்கு ஏற்பாடாகியிருக்கின்றது.

தொழிற்கட்சிக்கு ஆதரவான தமிழர்கள் அமைப்பின் ஏற்பாட்டில், தொழிற்கட்சியின் மிற்சம் தொகுதி நாடாளுமன்ற உறுப்பினர் சிபோன் மக்டொனா அவர்களின் அனுசரணையில் வரும் 16.05.2018 புதன்கிழமை மாலை 6 மணிக்கு பிரித்தானிய நாடாளுமன்ற வளாகத்தின் ஒரு பகுதியான Portcullis House இல் அமைந்திருக்கும் Boothroyd Room எனும் மண்டபத்தில் இந் நினைவேந்தல் நிகழ்வு நடைபெறுகிறது.

இந்நிகழ்வில் பிரித்தானிய மகாராணியின் அதிகாரபூர்வ எதிர்க்கட்சியான தொழிற்கட்சியின் நிழல் அமைச்சரவையைச் சேர்ந்த மூத்த நாடாளுமன்ற உறுப்பினர்கள் மற்றும் அரசியல் தலைவர்கள் உரையாற்றுகின்றனர்.

முள்ளிவாய்க்கால் தமிழின அழிப்பைக் காத்திரமான முறையில் விசாரணை செய்வதற்கு ஏதுவான பன்னாட்டு நீதி விசாரணைப் பொறிமுறையை நிறுவுதல், தன்னாட்சியுரிமையின் அடிப்படையில் தமிழர்களுக்கான அரசியல் தீர்வுக்கு வழிவகை செய்தல், தமிழ் அரசியல் கைதிகள் மற்றும் ஆக்கிரமிக்கப்பட்ட தமிழர் நிலங்களை விடுவித்தல் ஆகிய விடயங்களில் காத்திரமான நடவடிக்கைகளை எடுக்குமாறு பிரித்தானிய அரசாங்கத்தை வலியுறுத்தும் நோக்கத்துடன் ஏற்பாடாகியிருக்கும் இந் நிகழ்வில் பங்கேற்று அதற்கு வலுச்சேர்க்குமாறு பிரித்தானியாவாழ் தமிழீழ உறவுகளைத் தொழிற்கட்சிக்கு ஆதரவான தமிழர்கள் அமைப்பு அழைக்கின்றது.

 

 

செய்திகள்
புதன் செப்டம்பர் 19, 2018

சிறிலங்காப்பேரினவாதஅரசினால் தொடர்ச்சியாகதமிழ் மக்கள் மீதுமேற்கொள்ளப்பட்டுவரும் இன அழிப்பிற்கு நீதிகேட்டு ஐ.நா நோக்கிய பொங்குதமிழ் மாபெரும் கவனயீர்ப்பு பேரணியில் ஆயிரக்கணக்கான தமிழ்மக்கள் கலந்து கொண

திங்கள் செப்டம்பர் 17, 2018

தமிழ்ச்சோலைத் தலைமைப் பணியகம் பிரான்சு, தமிழ் இணையக் கல்விக்கழகம்

திங்கள் செப்டம்பர் 17, 2018

இலங்கையின் கொடிய அரசின்  இனவழிப்புக்கு நடவடிக்கைக்கை நீதி கோரியும் சர்வதேசத்துக்கு அழுத்தம் கொடுக்கும் நோக்கத்துடனும் இன்று (17.09.2018 ) சுவிஸ்லாந்து நாட்டின் ஜெனீவா நகரில் அமைந்துள்ள ஈகத்தியாகி ம