பெண் கைதிகளை ஏற்றிச் சென்ற சிறைச்சாலை பேருந்து விபத்து!

Thursday December 06, 2018

மாத்தறையில் இருந்து கொழும்பு நோக்கி பயணித்த சிறைச்சாலை பேருந்து  ஒன்று அதிகாலை 04.00 மணியளவில் விபத்துக்கு உள்ளாகியுள்ளது. 

மாத்தறை சிறைச்சாலையில் இருக்கின்ற பெண் கைதிகள் ஐந்து பேர் கொழும்புக்கு நீதிமன்ற நடவடிக்கைக்கு அழைத்து வந்த பேருந்து  இவ்வாறு விபத்துக்குள்ளாகியுள்ளது. 

காலி சமுத்ர மாவத்தை கடற்படை முகாமிற்கு அருகில்​ பாதையை விட்டு விலகிய பேருந்து  அருகில் இருந்த மின் கம்பத்துடன் மோதியுள்ளது.

 
பேருந்து  சாரதிக்கு ஏற்பட்ட நித்திரை மயக்கமே விபத்துக்கு காரணம் என்று தெரிவிக்கப்பட்டுள்ளது. 

இதனையடுத்து விபத்துக்குள்ளான பேருந்தில் இருந்த கைதிகள் காலி சிறைச்சாலைக்கு சொந்தமான பேருந்து  மூலம் கொழும்புக்கு அழைத்துச் செல்லப்பட்டுள்ளனர்.