பேட்மேன் தொலைகாட்சி தொடரில் நடித்து பிரபலமான ஆடம் வெஸ்ட் மரணம்!

June 11, 2017

1960களில் பேட்மேன் தொலைகாட்சி தொடரில் நடித்து பிரபலமான ஆடம் வெஸ்ட் உயிரிழந்தார். 88 வயதான ஆடம் வெஸ்ட் இரத்த புற்றுநோய் மூலம் பாதிக்கப்பட்டு உயிரிழந்ததாக அவரது உறவினர்கள் தெரிவித்துள்ளனர்.

ஏழு தலைமுறை நடிகரும் பேட்மேன் தொலைகாட்சி தொடரில் பிரபலமானவருமான ஆடம் வெஸ்ட் இரத்த புற்றுநோய் மூலம் பாதிக்கப்பட்டு தனது 88 வயதில் உயிரிழந்தார். இத்தகவலை ஆடம் வெஸ்ட் அதிகாரப்பூர்வ பேஸ்புக் பக்கத்தில் அவரது உறவினர்கள் பதிவிட்டுள்ளனர்.  

1966-இல் படமாக்கப்பட்ட தொலைகாட்சி தொடரில் பேட்மேன் கதாபாத்திரத்தை ஆடம் வெஸ்ட் ஏற்று நடித்தார். பேட்மேன் கதாபாத்திரம் ஆடம் வெஸ்ட்-ஐ புகழின் உச்சத்திற்கு அழைத்து சென்றது. எனினும் இந்த கதாபாத்திரம் இவரை வேறு கதாபாத்திரங்களை ஏற்று நடிக்க ஒத்துழைக்கவில்லை. 

வாஷிங்டன் நகரின் வல்லா வல்லாவில் 1928 ஆம் ஆண்டு பிறந்த ஆடம் வெஸ்ட் இயற்பெயர் வில்லியம் வெஸ்ட் ஆண்டர்சன் ஆகும். நடிப்பு துறையில் கால் பதிக்க தனது பெயரை மாற்றிக் கொண்டார். ஆடம் வெஸ்ட் தனது மனைவி மார்கெல், ஆறு குழந்தைகள், ஐந்து பேரன், பேத்திகள் மற்றும் இரண்டு பெரிய பேரப்பிளைகளுடன் வசித்து வந்தார்.  

செய்திகள்
சனி December 02, 2017

ஆர்.கே.நகரில் போட்டியிடுவது பற்றி 2 நாளில் முடிவு எடுப்பேன் என்று நடிகர் விஷால் தெரிவித்துள்ளது சினிமா வட்டாரம் மட்டுமின்றி, அரசியல் வட்டாரத்திலும் பரபரப்பை ஏற்படுத்தி இருக்கிறது.