பேஸ்புக் தடைக்கு எதிராக வீதியில் இறங்கிப் போராடுவோம் - உதய கம்மன்பில எச்சரிக்கை

March 13, 2018

பேஸ்புக் தடைக்கு எதிராக ஆயிரக்கணக்கான இளைஞர், யுவதிகளைத் திரட்டி வீதியில் இறங்கி அரசுக்கு எதிராகப் போராடத் தயாராகி வருவதாக பாராளுமன்ற உறுப்பினர் உதய கம்மன்பில கூறியுள்ளார். 

கொழும்பில் நேற்று திங்கட்கிழமை இடம்பெற்ற ஊடகவியலாளர் சந்திப்பில் கருத்துக் கூறுகையிலேயே அவர் இதனைக் கூறினார்.

கண்டி பிரதேசத்தில் ஏற்பட்ட முறுகல் நிலை தற்போது நிறைவடைந்துள்ள நிலையில், ஊரடங்கு சட்டம் நீக்கப்பட்டுள்ளது. நாளை மறுதினத்துடன் (புதன்கிழமை) அவசரகாலச் சட்டமும் நீக்கப்படவுள்ளது. ஆனால் பேஸ்புக் மீதான தடை இன்னும் நீக்கப்படவில்லை.

இனவாத முறுகலை தடுப்பதற்காக என்று கூறிக் கொண்டு அரசாங்கத்துக்கு எதிரான சமூக வலைத்தளங்களை கட்டுப்படுத்த முற்படுகிறது. இந்த தடை எவ்விதத்திலும் நடைமுறைச் சாத்தியமில்லை. 

தற்போது இளைஞர், யுவதிகள் திருட்டுத்தனமாக பேஸ்புக் பயன்படுத்த நேர்ந்துள்ளது. வெறுப்பு பிரசாரங்களை பரப்புவதற்கு பேஸ்புக் பயன்படுத்தப்படுவதாக கூறி அதனை தடை செய்துள்ளமை வேடிக்கை எனவும் உதய கம்மன்பில கூறினார்.

செய்திகள்
புதன் செப்டம்பர் 19, 2018

புனர்வாழ்வளிக்கபட்டு மீண்டும் கைதுசெய்த எனது மகனை விடுதலை செய்யுங்கள் - தாயின் மன்றாட்டம்