மீண்டும் பிரித்தானியாவில் வீறுநடை போடும் ஈழமுரசு பத்திரிகை!

April 07, 2017

கடந்த 1995ஆம் ஆண்டில் இருந்து பிரித்தானியா உட்பட மேற்குலக நாடுகளில் ஈழத்தமிழர்களின் அடிநாதமாய் வலம் வந்த தமிழ்த் தேசிய ஊடகமான ஈழமுரசு பத்திரிகை மீண்டும் தடைகளையும், நெருக்கடிகளையும் தாண்டிப் பிரித்தானியாவில் வீறுநடை போடத் தொடங்கியுள்ளது.

கடந்த 2014ஆம் ஆண்டின் நடுப்பகுதியில் பிரான்சில் ஈழமுரசு பத்திரிகையின் மூத்த ஊடகவியலாளர் மீது மேற்கொள்ளப்பட்ட படுகொலை முயற்சியை அடுத்து ஈழமுரசு பத்திரிகையின் பிரித்தானியப் பதிப்புக்கள் இடைநிறுத்தம் பெற்றிருந்தன. எனினும் 2015ஆம் ஆண்டின் முற்பகுதியில் இருந்து மீளவும் பிரான்சில் ஈழமுரசு பத்திரிகை வெளிவந்த வண்ணமிருந்தது.

இந்நிலையில் பல்வேறு நெருக்கடிகளையும், தடைகளையும் தாண்டி மீண்டும் இவ்வாரம் முதல் பிரித்தானியாவில் ஈழமுரசு பத்திரிகை வெளிவரத் தொடங்கியுள்ளது.

பணத்தை வாரியிறைத்து ஊடகவியலாளர்களையும், கலைஞர்களையும் விலைக்கு வாங்கி, அதன் மூலம் மெல்லத் தமிழ் ஊடகப் பரப்பை ஆக்கிரமித்துப் புலம்பெயர் தமிழர்களிடையே சிங்களத்தின் நிகழ்ச்சி நிரலைத் திணிப்பதற்கு சில நாசகாரிகள் எடுக்கும் முயற்சிக்குச் சவாலாக மீண்டும் பிரித்தானியாவில் ஈழமுரசு பத்திரிகை களமிறங்குகின்றது.

அதிலும் குறிப்பாகத் தமிழர்களின் குருதியில் சிங்கள இரத்தம் ஓடுகின்றது என்று சிங்களத்திற்கு துதிபாடும் பெருந்தொழில் நிறுவன நாசகாரிகளுக்குப் பெரும் சவாலாக ஈழமுரசு அமையும் என்பதில் எவ்வித ஐயமும் இல்லை.

கடந்த காலத்தில் பிரித்தானியாவில் ஈழமுரசுப் பத்திரிகை வெளிவருவதற்கு ஆதரவு நல்கிய எமது உறவுகளும், வணிகப் பெருந்தகைகளும் தொடர்ந்தும் பிரித்தானியாவில் ஈழமுரசு பத்திரிகை வீறுநடை போடுவதற்குத் தமது ஆதரவை வழங்குவார்கள் என்பதில் எமக்கு எவ்வித ஐயமும் இல்லை.

பிரித்தானியாவில் வணிக விளம்பரங்களுக்கும், ஈழமுரசு பத்திரிகையுடன் இணைந்து நீங்கள் செயற்படுவதற்குமான தொடர்புகளுக்கு: மோகன் - 07904 631 883.

செய்திகள்
வெள்ளி நவம்பர் 17, 2017

தமிழீழ நினைவுகளை தாங்கிய சிறப்பு வெளியீடுகள்  வழமைபோன்று இவ் ஆண்டும் மாவீரர் நாளன்று  வெளிவருகின்றன.

வெள்ளி நவம்பர் 17, 2017

மாவீரர் மாதமான கார்த்திகை மாதத்தை முன்னிட்டு, மாவீரர்  வாரத் தொடக்க நாளான  கார்த்திகை 20.11.17 முதல் 27. 11.17 வரை இந்து ஆலயங்களிலும்.  தேவாலயங்களிலும்.

வியாழன் நவம்பர் 16, 2017

குறித்த நினைவுத் தூபி மாவீரர்களின் தியாகங்களையும் தமிழீழ விடுதலைப் போராட்ட வரலாறுகளையும் வேண்டுமென்றே கொச்சைப்படுத்தியுள்ளது...

வியாழன் நவம்பர் 16, 2017

நெருக்கடியான காலகட்டங்களில் உண்மைகளை வெளிக்கொண்டுவர துணிச்சலோடு செயற்பட்ட ஓர் சிறந்த ஊடகப் போராளி...

புதன் நவம்பர் 15, 2017
தமிழின அழிப்பை எதிர்கொள்ளலும், நினைவுகூரலும் என்ற தொனிப்பொருளுடன் கடந்த 04.11.2017 சனிக்கிழமை பிரித்தானியத் தலைநகர் இலண்டனில் சர்வதேச தமிழ் செய்தியாளர் ஒன்றியத்தால் அரசறிவியல் மாநாடு வெகு சிறப்பு
செவ்வாய் நவம்பர் 14, 2017

பிரான்சு தமிழர் ஒருங்கிணைப்புக்குழு , தமிழர் கலை பண்பாட்டுக்கழகம் வருடாந்தம் நடாத்தும் மாவீரர் நினைவு