முதலமைச்சரை அரசியலில் இருந்து ஓரங்கட்ட முயற்சி! ஐங்கரநேசன்

June 19, 2017

வடமாகாண முதலமைச்சரை அரசியலில் இருந்து முற்றாக ஓரங்கட்ட வேண்டும் என பலரும் முயற்சித்து வருவதாக வடமாகாண சபை உறுப்பினர் பொ.ஐங்கரநேசன் தெரிவித்துள்ளார்.

அத்துடன், ஊழல் குற்றச்சாட்டுக்கள் குறித்து விசாரணை மேற்கொண்ட குழுவின் அறிக்கைக்கு எதிராக நீதிமன்றம் செல்லவுள்ளதாகவும் அவர் குறிப்பிட்டுள்ளார்.

ஊழல் குற்றச்சாட்டுக்கள், நிதி மோசடி குற்றச்சாட்டுக்களை குறுக்கி பார்க்க வேண்டாம். 2009ஆம் ஆண்டுக்கு பின்னர் அடுத்த கட்ட போராட்டத்தை முன்னெடுத்து செல்ல சிறந்த தலைவர் ஒருவர் வேண்டும்.

எனினும், அதனை தடுக்கும் நோக்கில் தென்னிலங்கை அரசியல்வாதிகள் ஆர்வத்துடன் செயற்பட்டு வருகின்றனர். தமிழ் மக்களுக்கு இழைக்கப்பட்டுள்ள அநீதிகளுக்கு எதிராக வடமாகாண முதலமைச்சர் குரல்கொடுத்து வருகின்றார்.

இந்நிலையில், வடமாகாண முதலமைச்சரை அரசியலில் இருந்து முற்றாக ஓரங்கட்ட வேண்டும் என பலரும் முயற்சித்து வருவதாக" அவர் மேலும் தெரிவித்துள்ளார்.

இதேவேளை, ஊழல் குற்றச்சாட்டுக்களை எதிர்நோக்கியிருந்த பொ.ஐங்கரநேசன் அண்மையில் பதவியை இராஜினாமா செய்திருந்தமை குறிப்பிடத்தக்கது.

திருநெல்வேலியில் அமைந்துள்ள அவரது இல்லத்தில் இன்று இடம்பெற்ற செய்தியாளர் சந்திப்பில் கலந்துகொண்டு உரையாற்றிய போதே அவர் இதனை குறிப்பிட்டுள்ளார்.

தொடர்ந்தும் கருத்து தெரிவித்த அவர், "விசாரணை குழு பக்க சார்பான முறையில் நடந்துகொண்டுள்ளது. யாருடைய நன்மைக்காக இவ்வாறு நடந்துகொண்டது என்பதில் எனக்கு சந்தேகம் ஏற்பட்டுள்ளது என்றார்.

 

செய்திகள்
புதன் ஒக்டோபர் 18, 2017

ஏறாவூர், புன்னக்குடா பகுதியிலுள்ள ஒரு வீட்டில் தாயும் மகனும் இவ்வாறு கழுத்தறுத்துக் கொலை செய்யப்பட்ட நிலையில் சடலங்களாரக மீட்கப்பட்டுள்ளதாக காவல்துறையினர் தெரிவித்தனர்.

புதன் ஒக்டோபர் 18, 2017

மட்டக்களப்பு, கல்குடா பகுதியில் அமைக்கப்பட்டுக்கொண்டிருக்கும் சர்ச்சைக்குள்ளான மதுபான தொழிற்சாலை வாயிலை மறித்து தொழிலாளர்கள் ஆர்ப்பாட்டத்தில் ஈடுபட்டனர்.

புதன் ஒக்டோபர் 18, 2017

நெடுந்தீவில் கடந்த 16 ஆண்டுகளாக கடற்படையினரால் அபகரிக்கப்பட்டுள்ள நூல் நிலையம், மற்றும் 15 க்கும் மேற்பட்ட மக்களின் வீடுகள் போன்றன உடனடியாக விடுவிக்கப்படவேண்டும் என பல தடவைகள் கோரிய போதும் இதுவரை அ

புதன் ஒக்டோபர் 18, 2017

ஒரு நாட்டின் ஜனாதிபதியினால் எடுக்கப்பட்ட தீர்மானத்தை படைத்தரப்பு நிறைவேற்றவில்லை, புதுக்குடியிருப்பு மண்ணில் மக்கள் ஆட்சி நடைபெறவில்லை, மாறாக படை ஆட்சியே நடைபெறுகின்றது என நாடாளுமன்ற உறுப்பினர் சி.