ஸ்டெர்லைட் ஆலையை மூடக்கோரி வைகோ 4 நாட்கள் நடைபயணம்!

April 15, 2018

ஸ்டெர்லைட் ஆலையை நிரந்தரமாக மூடக்கோரி ம.தி.மு.க. பொதுச் செயலாளர் வைகோ 17-ந்திகதி முதல் 22-ந்திகதி வரை 4 நாட்கள் நடைபயணம் மேற்கொள்கிறார்.

ஸ்டெர்லைட் ஆலையை நிரந்தரமாக மூடக்கோரி ம.தி.மு.க. பொதுச் செயலாளர் வைகோ 17-ந்திகதி முதல் 22-ந்திகதி வரை 4 நாட்கள் நடைபயணம் மேற்கொள்கிறார். அவரது சுற்றுப் பயணத்தை ம.தி.மு.க. தலைமைக் கழகம் வெளியிட்டுள்ளது. அதன் விவரம் வருமாறு:-

கோவில்பட்டியில் மாலை 4 மணிக்கு தொடங்குகிறார். எட்டயபுரம், புதூர், நாகலாபுரம், விளாத்திகுளம், சூரங்குடி, வைப்பார், குளத்தூர் சென்று இரவு 7.45 மணிக்கு முடிக்கிறார்.

கரிசல்குளத்தில் மாலை 4 மணிக்கு தொடங்கி காமநாயக்கன்பட்டி, பசுவந்தனை, ஒட்டப்பிடாரம், புதியம்புத்தூர் வழியாக இரவு 7.30 மணிக்கு குறுக்குச்சாலையில் முடிகிறார்.

செய்துங்கநல்லூரில் மாலை 4 மணிக்கு தொடங்கி ஆழ்வார்திருநகரி, நாசரேத், பேய்குளம், சாத்தான்குளம், மெஞ்ஞானபுரம், பரமன்குறிச்சி வழியாக இரவு 7.30 மணிக்கு உடன்குடியில் முடிகிறார்.

திருவைகுண்டத்தில் மாலை 4 மணிக்கு தொடங்கி ஏரல், வடக்கு ஆத்தூர், தெற்கு ஆத்தூர், ஆறுமுகநேரி, காயல்பட்டணம், திருச்செந்தூர், ஆலந்தமழை, குலசேகரபட்டணம், மணப் பாடு வழியாக இரவு 8 மணிக்கு பெரியதாழையில் முடிகிறார்.

28-ந்திகதி (சனிக்கிழமை) மாலை 6 மணிக்கு தூத்துக்குடி வி.வி.டீ. சிக்னல் அருகில் மாபெரும் பொதுக்கூட்டம் நடைபெறுகிறது.இவ்வாறு அதில் கூறப்பட்டுள்ளது. 

செய்திகள்
வெள்ளி யூலை 20, 2018

மோடியை கடுமையாக விமர்சித்து பேசிய ராகுல் காந்தி, தனது உரைக்கு பின்னர் மோடியை கட்டிப்பிடித்து வாழ்த்து பெற்றார். 

 

புதன் யூலை 18, 2018

காவல்துறையைக் கைத்தடி துறை ஆக்காதே! தமிழ்த்தேசியப் பேரியக்கத் தலைவர் தோழர் பெ. மணியரசன் கண்டனம்!