2016 ஆம் ஆண்டு 122 ஊடகவியலாளர்களை காவுகொண்டது!

January 01, 2017

2016ஆம் ஆண்டு உலகம் முழுவதும் 122 ஊடகவியலாளர்கள் பலியாகியுள்ளனர் என பத்திரிகையாளர் சங்கம் விடுத்துள்ள அறிக்கையில் தெரிவிக்கப்பட்டுள்ளது. இதில் 93 ஊடகவியலாளர்கள் திட்டமிட்டு படுகொலை செய்யப்பட்டுள்ளனர்.

ஏனையவர்கள் விபத்துக்கள் மற்றும் இயற்கைச் சீற்றங்களில் சிக்கிப் பலியாகியுள்ளனர் எனவும் தெரிவிக்கப்பட்டுள்ளது. உலகத் தர வரிசையில் ஈராக்கிலேயே அதிகளவான ஊடகவியலாளர்கள் படுகொலை செய்யப்பட்டுள்ளனர்.

உலகத்தில் 23 நாடுகளில் ஊடகவியலாளர்கள் கொலை, குண்டுவீச்சுத் தாக்குதல், போரின்போது நடந்த தாக்குதல் என குறிவைக்கப்பட்டு கொல்லப்பட்ட சம்பவங்கள் இடம்பெற்றுள்ளதாக சர்வதேச பத்திரிகையாளர் சங்கம் வெளியிட்டுள்ள அறிக்கையில் தெரிவித்துள்ளது.

குறிப்பாக ஆசியா, ஆபிரிக்கா, பசுபிக், அமெரிக்கா, ஐரோப்பா, மத்திய கிழக்கு நாடுகளிலேயே அதிகளவான ஊடகவியலாளர்கள் படுகொலை செய்யப்பட்டுள்ளதாகவும் அதில் குறிப்பிடப்பட்டுள்ளது.

இருப்பினும் 2015ஆம் ஆண்டுடன் ஒப்பிடுகையில் 2016ஆம் ஆண்டு குறைந்தளவிலேயே ஊடகவியலாளர்கள் படுகொலை செய்யப்பட்டுள்ளதாகவும் அந்த அறிக்கையில் சுட்டிக்காட்டப்பட்டுள்ளது. 2015ஆண்டில் 112 ஊடகவியலாளர்கள் படுகொலை செய்யப்பட்டிருந்தனர். 2016ஆம் ஆண்டு 93 ஊடகவியலாளர்களே படுகொலை செய்யப்பட்டனர் என்பதும் குறிப்பிடத்தக்கது.

செய்திகள்
ஞாயிறு April 23, 2017

புதிய அதிபரை தேர்ந்தெடுக்கும் அதிபர் தேர்தலின் முதற்கட்ட வாக்குப்பதிவு இன்று காலை தொடங்கி விறுவிறுப்பாக நடைபெற்று வருகிறது.

ஞாயிறு April 23, 2017

அமெரிக்க ஜனாதிபதி டொனால்ட் டிரம்ப் பயங்கரமான மன நோயால் பாதிக்கப்பட்டுள்ளதாக அமெரிக்க உளவியல் நிபுணர்குழு அதிர்ச்சி தகவல் ஒன்றை வெளியிட்டுள்ளது.

ஞாயிறு April 23, 2017

தனது தேசம் மீது இரசாயன தாக்குதலை நடத்துவதற்கு அமெரிக்கா திட்டமிடுவதாக குற்றம்சாட்டியிருக்கும் வடகொரிய அரசாங்கம் இதனை தாங்கள் வெறுமனே பார்த்துக்கொண்டிருக்கப்போவதில்லை என்றும் உலகில் இருந்து அமெரிக்க

ஞாயிறு April 23, 2017

பாரீஸ் ரயில் நிலையத்தில் கத்தியுடன் சுற்றித் திரிந்து பீதியை கிளப்பிய மர்ம நபர்  காவல்துறையால்  கைது செய்யப்பட்டார்