வவுனியாவை வந்தடைந்த யாழ் பல்கலைக்கழக மாணவர்களின் எழுச்சி ஊர்தி!

வெள்ளி மார்ச் 15, 2019

எதிர்வரும் மார்ச்16ல் யாழ். பல்கலைக்கழக மாணவர்களால் ஏற்பாடு செய்யப்பட்டுள்ள தமிழின நீதி கோரும் மாபெரும் கவனயீர்ப்பு போராட்டத்திற்கு ஆதரவினை திரட்டும் பொருட்டு தமிழின வரலாற்று உணர்வின் அடிப்படையில் யாழ் பல்கலைக்கழக மாணவர்களால் வடிவமைக்கப்பட்ட எழுச்சி ஊர்தி நேற்று முன்தினம் யாழ்ப்பாணத்திலிருந்து ஆரம்பித்து கிளிநொச்சி நகரை வந்தடைந்து.

நேற்று வட்டக்கச்சி, முரசுமோட்டை. புளியம்பொக்கணை, தருமபுரம், விசுவடு ஊடாக புதுக்குடியிருப்பு பரந்தன் சாலையில் பயணித்து வவுனியாவை வந்தடைந்துள்ளது.

எழுச்சி ஊர்தி பயணிக்கும் வீதியெங்கும் மாணவர்கள் மக்கள் மார்ச் 16 தமிழின நீதி கோரும் போராட்டத்திற்கான தங்கள் தார்மீக ஆதரவை மிகப்பெரிய அளவில் வழங்கி வருகின்றனர் என்பது இங்கு குறிப்பிடத்தக்கது.

ஊர்தியோடு பல்கலைக்கழக மாணவர்கள் கால்நடையாக பயணித்து சகல இடங்களிலும் துண்டுப்பிரசுரங்களை வழங்கி வருகின்றனர்.