மக்​களவை​யில் காஸ் சிலிண்​டர், உரம் தட்​டுப்​பாடின்றி விநி​யோகம் செய்​யப்​படு​வ​தாக பிரதமர் நரேந்​திர மோடி பேசி​யதற்கு இந்​திய கம்​யூனிஸ்ட் கட்​சி​யின் மாநில செய​லா​ளர் மு.வீர​பாண்​டியன் கண்​டனம் தெரி​வித்​துள்​ளார். இதுதொடர்​பாக, அவர் வெளி​யிட்ட அறிக்​கை: நாடு முழு​வதும் சமையல் காஸ் சிலிண்​டர் தட்​டுப்​பாடு அதி​கரித்​துள்​ளது. வீட்டு பயன்​பாட்​டுக்​கான சமையல் காஸ் சிலிண்​டர்​கள் கிடைக்​காத​தால் மக்​கள் விறகு அடுப்​புக்கு மாறி வரு​கின்​றனர். அதே​போல், வணிக பயன்​பாட்​டுக்​கான காஸ் சிலிண்​டர்​களின் விநி​யோகம் நாட்​டின் பல்​வேறு பகு​தி​களில் நிறுத்​தப்​பட்​டுள்​ளது. இதன் காரண​மாக, பல உணவகங்​கள் மூடப்​பட்​டுள்​ளன. அது​மட்​டுமின்றி, பல உணவு விடு​தி​களில் வழக்​க​மான உணவு​கள் வழங்​கப்​படு​வ​தில்​லை. இதனால் பொது​மக்​களும், வெளியூர்​களுக்கு செல்வோரும் உணவு கிடைக்​காமல் திண்​டாடி வரு​கின்​றனர். பல்​வேறு மாநிலங்​களில் புலம்​பெயர் தொழிலா​ளர்​கள் வேலைகளை இழந்து தவித்து வரு​கின்​றனர். இந்​நிலை​யில், மக்​களவை​யில் உரை​யாற்​றிய பிரதமர் மோடி, நாடு முழு​வதும் சமையல் காஸ் சிலிண்​டர் மற்​றும் உரம் சீராக விநி​யோகம் செய்​யப்​படு​வ​தாக கூறி​யுள்​ளார். பிரதமர் மோடி முழுப் பூசணிக்​காயை சோற்​றில் மறைப்​பது போல உண்​மையை மறைக்க முயல்​கிறார். ரஷ்​யா​விட​மிருந்து மலிவு விலை​யில் கச்சா எண்​ணெய் வாங்கி வந்​ததை, அமெரிக்​கா​வின் அழுத்​தத்​துக்கு அடிபணிந்து நிறுத்​தி​யது தான் இந்த அவலத்​துக்கு முக்​கிய காரண​மாகும். அதே​போல், மேற்​காசிய போரால் இந்​தி​யா​விலும் உரத்​தட்​டுப்​பாடு ஏற்​பட்​டுள்​ளது. ஆனால், பிரதமர் மோடி உரம் சீராக விநி​யோகம் செய்​யப்​பட்டு வரு​வ​தாக கூறு​வது உண்​மைக்கு மாறானது, கண்​டனத்​துக்​குரியது. அமெரிக்கா மற்​றும் இஸ்​ரேலுக்கு ஆதர​வாக செயல்​படும், மத்​திய பாஜக அரசு இனி​யா​வது தனது வெளி​யுறவு கொள்​கையை மாற்றி கொள்ள வேண்​டும். இவ்​வாறு அதில் தெரி​வித்​துள்​ளார்.