ஜேர்மன் அரசியல் வரலாற்றில் புதிய அத்தியாயம் உருவாகும் வாய்ப்பு ஏற்பட்டுள்ளது. சேன்சலர் ஃப்ரெட்ரிக் மெர்ஸ், பவேரியாவின் முக்கிய அரசியல் தலைவரான Ilse Aigner-ஐ அடுத்த Federal President-ஆக நியமிக்க விருப்பம் தெரிவித்துள்ளார். அவர் தேர்ந்தெடுக்கப்பட்டால், ஜேர்மனியின் முதல் பெண் ஜனாதிபதி வரலாறு படைப்பார்.
61 வயதான Ilse Aigner, பவேரியாவின் கிறிஸ்தியன் சோசியல் யூனியன் (CSU) கட்சியைச் சேர்ந்தவர். 1998 முதல் கூட்டாட்சி நாடாளுமன்ற உறுப்பினராக பணியாற்றிய அவர், முன்னாள் சேன்சலர் அங்கேலா மேர்க்கெல் அமைச்சரவையில் வேளாண்மை அமைச்சராகவும் பதவி வகித்துள்ளார்.
தற்போது பவேரிய மாநில நாடாளுமன்றத்தின் தலைவராக உள்ளார்.
தற்போதைய ஜனாதிபதி பிராங்க்-வால்டர் ஸ்டைன்மையர் அவர்களின் இரண்டாவது மற்றும் கடைசி பதவிக்காலம் 2027 மார்ச் மாதத்தில் முடிவடைகிறது. இதனால் புதிய ஜனாதிபதியைத் தேர்ந்தெடுக்கும் தேர்தல் 2027 ஜனவரி 30 அன்று நடைபெற உள்ளது.
ஜேர்மனியில் ஜனாதிபதி நேரடியாக மக்களால் தேர்ந்தெடுக்கப்படுவதில்லை. அதற்குப் பதிலாக, நாடாளுமன்ற உறுப்பினர்கள் மற்றும் மாநில பிரதிநிதிகள் அடங்கிய சிறப்பு தேர்தல் மன்றம் வாக்களித்து ஜனாதிபதியை தேர்வு செய்கிறது.
