உலக சந்தையில் தங்கத்தின் விலை குறைந்துள்ளதால், நாட்டிலும் தங்க விலை 13 ஆயிரம் ரூபாயால் குறைந்துள்ளதாக அகில இலங்கை நகை வியாபாரிகள் சங்கம் தெரிவித்துள்ளது. மத்திய கிழக்கு நாடுகளில் நிலவும் போர்ச்சூழல் காரணமாக தங்கத்தின் விலையில் திடீரென இவ்வாறு ஏற்ற இறக்கம் காணப்படுவதாக குறிப்பிடப்படுகிறது. நாட்டின் தற்போதைய நிலைவரப்படி, நேற்று (3) ரூ.420,000ஆக இருந்த 24 கரட் தங்கத்தின் விலை இன்று (4) ரூ.407,000ஆக குறைந்துள்ளது. மேலும், நேற்று 388,500 ரூபாயாக இருந்த 22 கரட் தங்கத்தின் விலை இன்று  376,500ஆகக் குறைந்துள்ளது.