யாழ் மருத்துவச் சங்கம், வல்வெட்டித்துறை இரத்ததானச் சங்கம் மற்றும் கணபதி மஹால் திருமண மண்டப நிர்வாகத்தினர் இணைந்து நடாத்திய முதலாவது மாபெரும் இலவச மருத்துவ முகாம் நேற்றுச் சனிக்கிழமை (24.10.2026) காலை-09 மணி முதல் பிற்பகல்-01.15 மணிவரை வல்வெட்டித்துறை நெடியகாடு கணபதி மஹால் திருமண மண்டபத்தில் நடைபெற்றது.
இந்த இலவச மருத்துவ முகாம் நிகழ்வில் 145 பேர் கலந்து கொண்டு பயன் பெற்றனர். நிகழ்வில் யாழ்.மருத்துவ சங்கத்தைச் சேர்ந்த அனைத்து விசேட மருத்துவர்களும் பங்கேற்றுத் தங்கள் சேவையை மக்களுக்கு வழங்கினர்.