இது குறித்து அவர் மேலும் கூறிய விடயங்கள்
கிழக்கு மாகாணம் நல்லுள்ளங்களை கொண்ட பிரதேசமாகும். எனினும் ஒரு சில அரசியல் பிரமுகர்கள் பிரதேச ரீதியாக இனவாத கருத்துக்களை முன்வைத்து வருகின்றனர்.
அண்மையில் அமைச்சர் ஒருவர் ஆளுநரை விழித்து பேசுகையில் மலையகத்தில் செய்தது போன்று கிழக்கில் செய்ய முடியாது என தெரிவித்திருந்தார்.
மலையக மக்கள் செறிந்து வாழ்ந்து வரும் ஊவா மாகாணத்தின் ஆளுநராக முஸ்லிம் பிரமுகர் ஒருவரே இருக்கின்றார்.
அவரை எமது சமூகம் ஏற்றுக்கொள்ளவில்லையா? ஊவா மாகாணத்தில் அது நாள் வரை இருந்த தனித் தமிழ்க் கல்வி அமைச்சை வர்த்தமானி அறிவித்தலின் மூலம் தற்போது இருக்கும் ஆளுநரே இல்லாது செய்தார்.
ஆனால் அது அரசாங்கத்தின் உத்தரவு. ஆளுநர் என்பவர் ஜனாதிபதியின் நேரடி பிரதிநிதி ஜனாதிபதியின் மற்றும் அரசாங்கத்தின் கொள்கைகளை அமுல்படுத்துதலே அவரின் பிரதான கடமை. ஆளுநர்கள் அரசியல் செய்ய முடியாது.
ஆகவே கிழக்கு மாகாண ஆளுநரும் ஜனாதிபதியின் பணிப்புரைகளையே செயற்படுத்துகிறார் என்பதை புரிந்து கொள்ள வேண்டும்.மதத்தாலும் இனத்தாலும் வேறுபட்டிருந்தாலும் மொழியால் நாம் தமிழர்கள் என்பதை உணர வேண்டும்.
இதற்கு முன்பதாக கிழக்கு மாகாண ஆளுநராக இருந்த பெரும்பான்மையினத்தவர் எத்தகைய நெருக்கடிகளை அம்மாகாணத்தின் தமிழ் பேசும் மக்களுக்கு கொடுத்தார் என்பதை நாமும் அறிவோம் எனத் தெரிவித்தார்.
